「大美人」李嘉欣、鄧愛嘉及邢嘉倩等前晚出席活動，嘉欣透露兒子許建彤日前開學升讀K2，仍有1年時間選小學，現時最重要的是教兒子德育有禮，並透露曾因印腳而責罰兒子：「佢兩歲幾嗰陣印腳，我憎人咁做，就用手溫柔咁放喺佢大髀度好言相勸，但佢都印，我二話不說就打落去！」她又透露當感到混亂及有壓力時，老公許晉亨會對兒子的時間安排提出「寶貴」意見：「先生會話覺得佢（兒子）今日要多D睇電視嘅時間，我就成日講道理，係我囉嗦。（生多個咁點？）生多個都早兩年生。」
