藝人雨僑、鄭中基及「牛雜妹」李美棋等，前晚到旺角出席電影慶功宴。雨僑日前揚言若票房達2,000萬，將穿水着坐電車，但自爆未獲男友羅力威批准，仍未知驚！

雨僑日前揚言會以水着上陣謝票，但仍未獲得男友批准！

鄭中基擔心鉛水問題，會為女兒準備食水。

一眾演員出席《猛》片慶功宴，賀電影票房創佳績！

雨僑、鄭中基（Ronald）、「牛雜妹」李美棋及「娃娃舜」黃宏舜等，前晚到旺角出席電影《猛龍特囧》慶功宴，雨僑日前揚言若票房達2,000萬會穿水着坐電車，但席上自爆未獲男友羅力威批准，又笑稱未識驚：「我都冇講定係咩水着！（問准男友未？）未諗，（票房）近2,000萬先識驚！」Ronald則搞笑自薦做「龍友」影水着：「咁我幫佢影相！（佢冇話着三點式？）我都冇話影咩，可能影電車同風景！」

Ronald添食演續集

提到電影累積票房達400萬，Ronald笑言忙於拍戲感到「矇查查」，但很高興票房有佳績，問到可有打算接拍續集？他透露導演胡耀輝早已構思好續集內容，自己亦已答應繼續參演。提到鉛水問題，他指女兒就讀的學校仍未驗水，會叮囑女兒自備食水。

「牛雜妹」力撐麥明詩

未能入圍港姐的「牛雜妹」李美棋（Monnie）大讚出爐港姐冠軍麥明詩決賽當晚表現甚佳，有指麥明詩贏比賽輸友誼，疑遭孤立？Monnie指以單一鏡頭作評論，實在有欠公平。

同場的「娃娃舜」透露太太現時已入院準備生B女：「佢入咗院10日，BB胎盤打橫咗。（唔開刀生？）BB再唔轉身，9號就要開刀。」

文：影視組