現年70歲的陳欣健日前於中環一拖二現身，當晚凌晨一時許，他右手拖實一名身材突出、上圍估計達35E的巨胸女，左手則同時捉住另一名身穿間條衫的長髮女子傾不停。其後司機趕至，陳欣健便與兩女一同登車離開。

陳欣健拖實玲瓏浮凸的巨胸女，狀甚親暱。

獲兩女相伴的陳欣健顯得相當風騷。

對於拖女夜蒲，陳欣健說：「我契女同最好朋友結婚，飲完大家意猶未盡，第日又約出嚟食飯，兩個女人都係我好朋友，親密少少好正常。（驚唔驚老婆唔開心？）唔會，我1974年結婚，老婆點會唔信我呀！」

另外，韓君婷早前現身有線，對於早年曾傳她因與同性密友、陳欣健女兒陳早茵分手而患上抑鬱症，她澄清說：「只係好朋友，大家誤會咗，我好清楚自己嘅取向，一定唔會對女仔有感情。」對於被指體重起伏大，她指因工作壓力導致抑鬱，後來減肥過度令她激瘦。