胡楓、曾江及Joe Junior昨日在將軍澳亮相無綫節目《4個小生去旅行》祝捷會，曾江在席上表示旅程中最開心的是與其他小生零顧忌互寸，被封「專業收音員」的Joe Junior受訪時則扭計拒揸咪。問到謝賢為何缺席？醒目的胡楓即召來監製擋駕：「監製，老四（謝賢）點解唔嚟呀！（度唔到期！）佢唔喺香港啩？（你搵過佢？）聽人講咋！」問到若謝賢在場，會否更開心？他坦言人多會較開心，再問到若拍續集，想去甚麼地方？曾江笑稱要去灣仔或西貢，更會出動電動輪椅，愛功夫的Joe Junior則希望走訪內地少林寺。

Joe Junior（左起）、胡楓及曾江舉杯暢飲，賀節目收視報捷。

記者再追問曾江可有聯絡過謝賢？他指對方沒有聯絡自己，至於會否原班人馬拍續集？胡楓笑稱有意邀請其他小生：「監製搵唔搵老四呀？唔搵都冇所謂！我都有好多小生想邀請，例如呂奇、周驄、張英才、譚炳文同朱江。」本報記者其後與謝賢做電話訪問，問到會否齊人拍續集？現時在港但無暇出席活動的他說：「得閒咪去！（曾江話同大家互窒好開心？）咪提（佢）喇！」