出爐港姐冠軍麥明詩被指與大狀拍拖兩年，但她出席活動時堅稱彼此分屬好友，明言欣賞對方的才智，但嫌棄「爭D成熟」，斬釘截鐵否認正在蜜運！龐卓欣則否認前日刻意賣甩麥明詩約其他佳麗行街，直指決賽當晚得獎後「一舊雲」，並非刻意孤立麥明詩：「電視截圖係咁啫！」

麥明詩讚緋聞男友有腦夠叻仔，可惜「爭啲成熟」。

麥明詩、龐卓欣及郭嘉文等出席頒獎禮，互敬香檳祝捷。

Ada獲大會頒贈名貴首飾。

郭嘉文強調決賽當晚沒有玩孤立，只是不想打擾Louisa及鄭裕玲。

出爐港姐冠軍兼最上鏡小姐麥明詩（Louisa）、亞軍龐卓欣（Ada）、季軍郭嘉文（Karmen）、友誼小姐林凱恩（Iris）及上屆冠軍邵珮詩（Veronica），昨日到佐敦出席《2015香港小姐頒獎典禮》。有報道指Louisa與畢業於牛津大學的大律師林作（Joe）拍拖兩年，她堅稱彼此只是好朋友，在聯校活動等社交場合上結識對方，問到是否對Joe有好感？她認為對方很聰明：「但唔係淨係睇叻呢個Criteria，都要睇感覺。（佢缺乏咩？）爭D成熟囉！」至於Iris受訪時則不慎自爆有「好朋友」：「慢慢發展啦！」

拖手出街冇做騷

前日一眾港姐相約行街，唯獨Louisa缺席，Ada透露曾在Group Chat提出邀請：「（o個）時佢冇應到，可能仲（目訓）緊覺未起身。」她又堅稱彼此感情好，大前日出街拖手並非做騷：「（o個）陣過馬路束手無策，記者又追住，有D驚，所以要捉住。」她又堅稱決賽當晚得獎後因「孤立」Louisa而遭「照肺」的報道並非事實：「贏（o左）之後都好似一舊雲咁，反應唔到，電視截圖係咁啫！」Karmen則表示為免打擾鄭裕玲祝賀Louisa，當時不敢上前，但平日與對方老友鬼鬼。

邵珮詩想洗甩港姐Icon?

另外，問到正式卸任後會否倍感輕鬆？Veronica坦言日後可專注拍劇及擔任主持等工作，更不慎犯口誤：「我係好想擺脫香港小姐個『身份』，Sorry！係個『形象』先啱！」令記者不禁捧腹大笑！

文：影視組