「Big Four」成員許志安、張衞健、梁漢文及蘇永康，為雷頌德太太Jade及側田主持的無綫節目《閨密教煮》擔任嘉賓，雷頌德到場打氣。張衞健遲到半小時才現身，被蘇永康取笑：「做咩呀？整頭（髮）遲咗？」

蘇永康寸張衞健因要Set頭而遲到，非常搞笑！

蘇永康

許志安（左起）、側田、Jade、雷頌德和梁漢文錄影新節目。

笑老婆煮牛扒似擦膠

談到另一半的廚藝，張衞健抵死地說：「我嘅養生之道係最好唔好食我老婆煮嘅嘢，有次拍完戲返屋企，佢煮心形牛扒畀我食，感覺好似擦膠咁，個胃成晚都頂住。」梁漢文透露太太勇於嘗試：「佢會研製醬汁，又知我鍾意酒，煮菜會落啲。（好味？）有創意囉，冇得彈！」事後又驚太太嬲而補飛說：「不如話畀大家聽老婆最撚手煮咩！」反觀許志安則大讚太太廚藝，大放閃光彈！