除千嬅外，昨日上午八時許，藝人胡諾言（胡仔）駕車載太太陳琪和細女芷悠返幼稚園，他取雨傘遮老婆和囡囡進校，自己則返回座駕：「我要開工，呢幾日比較忙，今朝六點起身，怕多家長，所以早少少。（大女？）今日唔使返學。（細女有冇扭計？）冇喎！好乖！」

胡諾言與陳琪齊齊湊細女芷悠返幼稚園，芷悠仲識飛吻添！

陳琪（右起）、楊思琦及關伊彤湊女放學，囡囡戴上卡通帽。

至上午十時半，陳琪與兩位好友兼星媽楊思琦和關伊彤陪完各自的囡囡上堂後，六人結伴放學，三位小女孩頭戴卡通帽與媽媽企定定讓記者拍照，問到囡囡開學日有否哭？思琦說：「冇喊，仲畫公仔添！」陳琪說：「聽日都會湊囡囡返學，同佢返多一日，之後要靠佢自己。」其後胡仔親自駕車接妻女，並改由陳琪做司機，自己在後座享受和囡囡的親子時間。