Torres剷青Lucas勁Chok開學鬥潮
又要同暑假講Bye Bye！「星媽」楊千嬅昨日接送囝囝Torres返學放學，Torres剪了「潮爆」剷青頭迎接新學年！而張栢芝囝囝Lucas則跟足「Chok爸」謝霆鋒玩單手插袋，與Torres齊做型爆學生哥！
千嬅拖住Torres步出學校，兩母子都咁潮！
Torres剪了一個超短剷青頭，變身「小潮童」！
Torres萌爆揮手講再見，千嬅睇到猛咁笑！
栢芝的兒子Lucas及Quintus坐七人車上學，Lucas學爸爸單手插袋Chok住行，型呀！
千嬅在幼稚園門口排隊等接放學，與家長有講有笑，又與小朋友玩埋一份。
暑假結束，莘莘學子陸續開學！「星媽」楊千嬅即使經常為工作到處奔波，但視子如命的她昨日早起親自接3歲的兒子丁進諾（Torres）放學！昨日早上十一時半的放學時段，千嬅現身位於銅鑼灣的幼稚園，與家傭提早約十分鐘抵達幼稚園門口排隊等候。戴上太陽眼鏡的她，以一身潮人打扮現身，吸引不少家長及小朋友注目。表現親民的她放下天后身段，與家長打成一片，有講有笑，還與小朋友玩埋一份，超Nice！Torres緊緊拖着媽媽步出，原來他跟媽媽一樣「潮」，換上超短剷青頭化身「小潮童」！髮型矚目的他，可愛地回頭跟同學及記者講再見！
與老公有「分歧」
千嬅接受本報訪問時大爆與老公丁子高在湊仔出現意見「分歧」：「爹哋對個仔嘅期望唔一樣，媽媽比較注重佢嘅日常生活同健康，我會比較關心有冇時間同佢傾偈，盡可能想自己湊番！呢段時間好開心，夜晚會同佢講故事，又成日同佢傾偈，要好好珍惜呢段同佢相處嘅光陰。」問到在兒子讀書方面有何準備？千嬅說：「佢返咗學半個月！今年先K1，搵學校呢啲嘢個個家長都擔心，但我覺得觀察吓佢性格先，本地學校、國際學校都會考，等佢大個啲先決定，唔會逼佢做啲咩。」她笑言沒有空時，Torres會交由母親照顧：「媽咪真係辛苦，佢為我付出好多，最近捱病咗，我好內疚！佢好偉大，要湊大我三個，仲要湊埋我個仔！」
另一位「星媽」張栢芝安排兒子Lucas及Quintus讀沙田石門某國際學校，望子成龍。昨晨八時許，兩兄弟乘七人車上學，坐在後排一角及拉上窗簾。
Quintus抱入校
七人車駛入校園後，家傭抱Quintus入學校，而司機則孭起書包。而被栢芝爆「自覺很帥很酷」的Lucas「Chok爸」謝霆鋒上身，右手插袋Chok住行樓梯，如天橋上的模特兒！不過日前為「2015環球小姐中國區總決賽」擔任評判的栢芝工作後現身上海機場，但昨日未有送兒子上學。
此外，陳慧琳透露兒子已開學：「小龍包（劉琛）讀K1，會執阿哥（蝦餃仔）啲校服。」據知蝦餃仔（劉昇）轉讀國際學校，因為高得快，校服要做過。問到有否為小龍包升小一着手搵校？她說：「我唔會太操心，應該會跟番哥哥間學校，等兩兄弟互相照應。」
採：音樂組、影視組
文：專案組
