陳茵媺（Aimee）自當上幸福的陳豪太太後，忙於相夫教子，已休息一段頗長時間。原來Aimee仍戀戰演藝事業，並即將復出拍攝杜汶澤執導的新片《開飯喇！》，因阿澤去年主演的電影《麻雀王》於星馬票房大收，令電影公司對他信心十足，遂投資千萬港元開拍《開》片。

阿澤執導的新片請得Aimee復出助陣，更暗示兩人會有咀戲。（資料圖片）

能請到Aimee復出，阿澤當然花了不少唇舌，問到會否跟Aimee有咀戲？阿澤說：「呢套係愛情喜劇，應該都有啲啩！（咁歡迎陳豪監場嘛？）咁佢喺《鬼同你OT》都有咀我老婆（田蕊妮），我都冇監場啦，唔使喇啩！阻頭阻勢，哈哈！」