兩位「名花有主」的靚女陳凱琳及吳千語，日前不約而同獨自於中環遊街，冇男友陪拍拖。當日下午5時半，千語BB木無表情地現身鬧市，林峯不在身邊的她冇厘神氣，經過名店亦不多望一眼，手上空無一件戰利品，其後千語BB電話響起，未知是否男友致電，她傾完兩句即有番笑容，未幾火速有七人車前來接她離開。

友善的陳凱琳與記者交談幾句即閃，但都唔夠佢粒鑽戒閃！

千語BB落寞游走於中環，路過名店都冇反應，咩事呢？

陳凱琳前晚拍劇時吸引大批途人圍觀。

另一邊廂，正與鄭嘉穎熱戀中的陳凱琳差不多在同一時間現身中環，食指更戴上一枚大粒心形鑽戒，難怪早前傳出男友求婚的消息，她發現記者即甜絲絲地笑不停，拿着檸檬水的她心情靚靚地前往乘港鐵，期間不停叫記者小心及不要嚇親其他人，再親切地揮手入閘。另外，她前晚於尖沙咀為新劇《巨輪2》開工，吸引不少市民圍觀，拍畢即急步上車離開。