懷孕6個半月的Ana R.昨日穿3吋高跟鞋為美國品牌TSE行騷，她透露除懷孕最初兩星期感到疲倦外，便沒有任何不適。問到迎接BB有甚麼準備，Ana說：「我今晚就會飛去英國，同老公返去探佢啲屋企人，要探吓佢嫲嫲，佢已經好老，順便Shopping買BB嘢。（預幾錢？）五位數，老公對於有個囡囡興奮又期待，佢忍唔住買好多，我都會，見到BB嘅得意嘢就想買。」

Ana R.笑言若非肚子大了，都不覺得自己懷孕。

貪靚的Ana懷孕6個半月照穿高跟鞋行騷。

Ana自爆一個月前搬往西貢，因想有大些空間給BB及三隻狗狗。問到知否中國人說大肚不宜搬家，她說：「都知中國傳統有啲忌諱，所以冇揼嘢、剪嘢同縫紉，都冇食芝麻。其實韓國同中國傳統好似，唯一唔同係韓國孕婦會飲海帶湯。」