羅丹虹日前被《好報》踢爆早前暴瘦，疑患厭食症，她昨日於活動上以水着示人，並說：「唔係厭食症，6、7月嗰陣為減肥，每日食一餐烚菜，睇落面青青，照鏡瘦到見脊骨，意識到減肥過度要停，當時最瘦得番47公斤，係人生最瘦嘅紀錄。」又透露體重回升至50公斤：「依家飲食正常番，就嚟決賽，排練好忙，需要好多體力應付，媽咪每日都煲花膠湯，自己會食白烚雞肉同雞蛋嚟補充體力。」決賽臨近，她懷着興奮心情迎戰：「呢排好忙，每日得五個鐘瞓，但臨近決賽心情興奮，體力上應付到，希望保持住呢個狀態。」

羅丹虹透露已增磅不少。