港姐(5)林凱恩遇溺
2015候選港姐昨日換上泳衣參加《水上擂台》活動鬥泳術，不料發生意外！(5)林凱恩游泳比賽期間抽筋遇溺，狀甚狼狽！另外，《東網巨星》Facebook《港姐任你Like》第三階段的「最佳自編自導自演」投票進行得如火如荼，狀態大勇的(1)麥明詩暫時領先成為冠軍！ 文：影視組
林凱恩
抽筋
救命呀!
沒頂
獲救
驚魂未定
林凱恩游游吓抽筋，即舉手求救，及至被救上池邊仍一臉惶恐。
吳慧堯（左）與楊苡汶落力出賽，分膺冠亞。
龐卓欣為保靚樣「就住游」都攞第三。
落水前齊做熱身，吳慧堯（右一）卻不慎走腩。
昨日12位2015候選港姐以兩件頭泳裝亮相，於太古舉行《水上擂台》活動，賽前熱身時，(6)吳慧堯不慎走腩，(12)朱嘉莉更下體現形，甚為礙眼。不過吳慧堯的成績最耀眼，她用自由式完成比賽，以14秒94奪冠，被封「港姐女飛魚」，而亞軍及季軍分別為游出17秒59的(11)楊苡汶及20秒81成績的(4)龐卓欣。
有佳麗擔心到喊
而以蛙式出戰的林凱恩，賽前並無異樣，但游到中途卻突然舉手求救，見她半浮沉間不停飲水狀甚辛苦，兩名救生員即跳入水將她救起。當救生員將她帶返泳池邊時，她仍一臉狼狽，上水時左腳更趷吓趷吓，又不停咳嗽，工作人員隨即為她遞上大毛巾，她則坐在一旁稍作休息。事後，她受訪表示懂泳術，但因近日忙於排舞令雙腳疲累：「初初游都冇事，中途有啲抽筋，我拉番直隻腳又冇事，繼續游，但換唔切氣，飲咗好多啖水！」至於出醜人前，問到會否不開心？她哽咽表示只因其他佳麗為她擔心而自覺不開心，又透露(9)郭嘉文及吳慧堯為她擔心得落淚，又揚言今次是首次遇溺：「其實咁大個女都未試過浸親！」
至於被封「港姐女飛魚」的吳慧堯更添自信，並說：「以前係校隊，有參加過班際接力賽攞冠軍！」第三的龐卓欣為靚而全程未有濕頭，事後她笑說最擔心妝容：「自由式係快啲，但要有儀態，所以揀咗蛙式，唔使濕頭！」她透露最近沒時間健身，令馬甲線「走位」，但認為女士不需要太強勁的馬甲線，身形優美便可以。
陳靜儀郭嘉文「慢游」
郭嘉文及(10)陳靜儀則以背泳出戰，全程「慢游」最終包尾，郭嘉文解釋：「唔係Hea，安全第一！」陳靜儀則說：「好耐冇游水，志在浸吓水開心吓！」二人又表示見到林凱恩遇險十分擔心，不約而同表示會照顧自身安全。其後二人分別在Instagram上載照片，郭嘉文分享坐在沙灘椅上曬太陽的照片，非常享受，而陳靜儀則大晒賽前照，並寫上：「Wohooooo終於可以游吓水！」
