徐肇平隨媽咪黃淑儀習得一手好廚藝，更出第二本烹飪書騷Quali，儼如少年廚神。但原來廚神除了喜歡煮兩味，亦喜歡到Band房炮製音樂兼抒發情緒：「我彈開Bass（低音結他）嘅，咁啱啱就喺香港買咗個Amp（擴音器），咁可以喺屋企彈一彈。如果度到時間，就會同朋友去Studio一齊玩，都希望有日可以喺街頭度玩音樂。」他更表示小時候已經跟爸爸玩結他和彈琴：「嗰時我阿哥有考琴，我媽咪就一次過車我哋兩個去學，但係我就掛住玩，回想番其實都後悔學得幾年就停咗。」而主要與無綫藝人夾Band的肇平大呻時間難夾：「成日都要度一輪先夠4、5個人一齊彈。（你唱埋歌？）唱歌就留畀林師傑，佢唱歌好聽好多，我就爭少少。（畀佢搶晒風頭？）唔緊要，我都係鍾意做Supporting（配角）角色，我打Ice Hockey都係傳波多過射波！」

徐肇平自小與爸爸玩結他和彈琴，甚有音樂天分。

徐肇平愛與朋友夾Band抒發情緒。

徐肇平扮鬼臉時完全沒有包袱。