陳凱琳（Grace）與陳家樂昨午出席床上用品品牌舒達Serta活動，家樂即場拿出結他自彈自唱《晴天 陰天 雨天》冧女。而Grace則自爆自從拍完電視劇《殭》後，睡眠時間日夜顛倒：「睡眠質素真係唔係幾理想，所以叫爸媽陪我去買張好啲嘅床褥。（鄭嘉穎鍾意邊款？）我唔知佢，顧掂自己先啦！」她又自爆雖瞓Queen Size床，但喜歡放滿枕頭作裝飾，又自爆經常「碌嚟碌去」，暗示未有與男友同床。提到港姐「師妹」3號羅丹虹暴瘦30磅，她說：「我見過佢，冇報道中張相咁瘦，佢應該知道點樣先Keep得健康，唔夠時間都要食多啲有營養嘅嘢。（你參選時有冇壓力？）壓力係嚟自外界，不過我同屋企人住，返到去有得呻吓，最緊要做好自己。」

Grace鍾意喺床度碌嚟碌去，好百厭呀！

Grace與陳家樂睩大眼自拍。