無綫小花朱千雪（Tracy）日前與洪天明在無綫劇集《拆局專家》中扮演閃婚的歡喜冤家，Tracy大爆在劇中會野蠻反枱嗌交，更會將天明剝光豬及五花大綁：「我剝晒佢啲衫同綁住佢，再車佢去市區叫人影佢！（咁野蠻？）我發嬲仲掟嘢！（天明處於捱打狀態？）好彩佢有武功底子，我就唔擔心。」但原來她在劇外備受天明保護，而現實中亦Like爆保護欲強的異性：「我有場戲被綁架兼被掟落海，天明好照顧我！我鍾意英雄救美橋段同有保護欲嘅男仔。（有冇遇過？）其實有朋友或同事叫我小心撞到又或幫我拉門，我都好冧o架喇！」提到在劇中閃婚，Tracy卻自認傳統：「我唔會，因為要一生一世，起碼都要拍一陣拖，我比較傳統，要經過相識、拍拖、結婚同生仔！（定個目標期限？）都冇目標，要識到先諗。（有人追？）冇呀，工作為先！」

朱千雪自爆最愛保護欲強的男士。