何基佑（Kay）與模特兒太太鍾凱瑩（Charis）日前為滿百日的兒子何清義慶祝。小清義雖然只知人奶而不知蛋糕是何物，但對父母的心血製成品仍眼仔睩睩望到實，非常搞笑！文：影視組　攝：黎志輝

何基佑和太太鍾凱瑩為滿百日的囝囝清義整蛋糕，好有心思。

何基佑和太太鍾凱瑩為蛋糕加上裝飾。

何基佑日前與靚靚老婆Charis齊齊向麵包西餅師傅司徒慶森及其多位高足，請教造餅之道，務求要以獨特方式替兒子清義（Nathaniel）慶祝出世百日。Kay逐一將裝飾放上蛋糕，細心靈巧不讓老婆專美，難怪小清義對蛋糕眼仔睩睩。Kay說：「其實個餅唔只我同老婆兩個整，仲有司徒師傅同佢班徒弟嘅功勞，但我同老婆只係砌字、裝飾吓都要三幾個鐘，可想而知師傅佢哋應該用咗唔少時間去製作個蛋糕。」

整餅延續祝福

Charis則表示造餅背後有一段淵源：「我結婚時，師傅都做咗個蛋糕畀我哋，今次同師傅佢哋一齊為清義造餅，係想將呢份祝福延續。（你廚藝了得？）唔係，我喺屋企間中都有玩吓，但咁認真整餅都係第一次。（清義望實個餅，好有成功感？）都估唔到佢對個餅有咁大反應，不過佢仲食緊人奶，應該唔係好知蛋糕係咩味道，可能佢鍾意色彩繽紛嘅嘢。（清義1歲再整等佢試吓味？）睇吓到時點先啦！」場地：多多麵包西餅工場