今年推出性感寫真的組合HunterZ成員陶枳樽（Crz），近日人氣急升，繼做豐胸藥膏代言人後，又擔任泰國飲品代言人，「賣口乖」的Crz透露今次對酬勞十分滿意：「因為我皮膚黑，所以可能廣告商睇中我呢點，感覺我好似泰妹啦！（幾多酬勞？）5位數字，開心價！（近來賺咁多想買樓？）仲有排呀！我諗要接多幾個廣告先得喇！」另外，今次做泰妹的她，大呼好玩：「佢哋啲衫好靚，着上感覺好新鮮，啲顏色又靚。」

陶枳樽拍廣告變身泰妹吸金！

俗語有話「一白遮三醜」，不過Crz卻樂意做黑妹，因自己旅行時愛去東南亞國家，她說：「我平時好鍾意去泰國、峇里呢啲國家，成日都會陽光與海灘，所以想白都難呀！」