歌手洪卓立小時候為跟女同學打排球而立志做電腦科老師，長大後卻打算與女友夾份開甜品舖，惟篤信風水的他被風水師批算不宜做生意，因而大嘆置業無望！

高企的樓價及擱置的生意大計，令Ken日漸遠離置業夢。

Ken慶幸公司給予很大自由度，故決定炮製「真音樂」！

與女友湯怡感情穩定的Ken，計劃夾份開甜品舖孖住搵銀。

洪卓立（Ken）上月推出大碟《那天》，新歌《少年遊記》一改情歌風格講夢想，歌頌青春！他自爆曾夢想做老師：「嗰時中學有個教電腦嘅代課老師，佢每日就係開PowerPoint教啲簡單嘢，放咗工就同女同學打排球，人工又高，咪諗住大個做電腦科老師囉！」接觸社會後，Ken才發現做老師並非那麼簡單，夢想隨之改變：「入行後想搵多啲錢，買個近屋企人嘅單位，希望父母提早退休，但依家樓價咁貴，覺得離夢想愈嚟愈遠！」

照彈女友手勢

為了讓家人盡早享清福，Ken曾打算發展副業進軍飲食界，可惜風水師批算他三十歲前不宜沾手生意，故計劃暫且擱置：「有諗過開串燒舖、餐廳嗰啲，但睇過兩個風水師都話我三十歲前唔可以做生意，一個講未必信，但兩個不約而同講『三十』呢個數字就覺得要信！」為了不浪費女友湯怡的手藝，Ken將來或會與女友開甜品店：「我唔太食甜嘢，但佢每次整完甜品都畀我試，佢都幾信我條脷。（難食唔敢講？）敢！佢又唔會話我嘅。」

唱厭情歌嚟「真」

談到主打歌《回到最愛的那天》，Ken表示很多同事及朋友都告訴他遺憾事很多，他卻認為要活在當下，無論開心與難過的事都值得珍惜！談到新專輯，Ken表示若要音樂說服到人，首先歌手要被音樂感動：「之前唱太多情歌喇，今次想做一隻真嘅歌，覺得要感動到人最重要有感覺喺首歌入面。」問到人生若可重來，想回到哪天？他表示想回到婆婆離世前，希望在她生前多見面，共度最後時光！

髮型：Davy Yu @SALON AMAEONE

化妝：Circle Cheung（ndnco.co）

服裝：izzue @I.T

地點：decor collection帝家設計