女星雨僑日前以背心短褲出席新片宣傳，勁晒白滑美腿，更不惜親身上陣玩蛇及摸蟲，十分勇猛，更被讚比同場男士更大膽！她接受《東網電視》訪問自爆曾飼養簷蛇當寵物：「蛇蟲鼠蟻我OK！我細個第一樣養嘅寵物就係簷蛇，閒時我就捉啲蚊餵佢食，不過我都有嘢驚嘅，我好驚雀！（被襲擊過有陰影？）唔係，我都唔知點解，總之好驚，凡個嘴尖嗰啲都唔得，覺得佢醜樣，所以我決定婚後一定唔煮雞，唔煲雞湯，或者買雪藏嘅，我唔要見到個尖嘴。」咁怕雞，難道連雞毛掃都驚？她說：「藤條冇問題，有羽毛就好驚！試過3次屋企有自來雀，我覺得好恐怖。其實我捉『小強』（曱甴）都好叻！」

雨僑自爆唔怕蛇蟲鼠蟻，但最怕就係雀。

雨僑有養蛇經驗，唔怪得玩蛇玩得咁淡定啦！