歌手關心妍（Jade）及鄧麗欣（Stephy）等昨日出席活動，早前有指雨僑及鄭欣宜爭寵，雨僑指Jade才是「一姐」，Jade對此說：「我係關家姐，做家姐好過做一姐！（覺得佢哋有冇爭寵？）冇，我知道公司都好錫佢，呢個可能係宣傳。」此外，Jade最近被網民指變臉變到有「間尺鼻」，她表示會當作笑話，又笑稱日後或會被指有擦紙膠及鉸剪等出現在面上。

關心妍笑對公司藝人的爭寵傳聞，明言只想做家姐，不願做一姐！

Stephy則透露在家中年紀最輕，卻性格獨立，經常負責下決策：「出街食飯食咩全部都係我話事，習慣後變咗屋企人好似唔可以出聲咁，但佢哋係享受嘅，唔會覺得辛苦！」