顏子菲玩水遇險成口血

前亞姐顏子菲前晚出席電影首映禮，性感上陣透Bra騷幼腰！她自爆最近玩水上運動Wakeboard時遇險：「成塊面拍咗落水，搞到上唇裏面條筋撕裂兼成口血！」又表示肋骨仍感痛楚，問到早前隆胸的她有否「爆胸」，她說：「我唔係裝假狗，所以唔會爆！」同場的蕊蕊則代男友金剛否認賭波欠債報道，自言清楚其財政狀況，又重申男友不賭波：「佢又唔會睇球類運動，除咗佢以前有玩棒球之外，佢打波同踢波都唔識。」亦不太擔心他的形象受損。