昨日中午藝人江若琳（Elanne）出海潛水，她坦言考了初級潛水牌一個月：「我想考上去，其實我依家嘅高級潛水牌只係差夜潛，因為我怕黑，同埋依家農曆7月都驚，我都信邪，所以我都同教練講過咗呢個月先。」自言怕水的Elanne坦言今年定下目標，學習害怕的東西如潛水及策騎。問到曾否受傷？她說：「冇，但試過飲海水，頭先都飲咗幾斤鹹水，正式嘅又鹹又濕。（學潛水有冇見到大隻靚仔或教練？）每一個玩潛水嘅人都好健康、黑黑實實，如果遇到志向一樣都幾好，依家專注潛水，學叻o的先，依家睇唔到其他人。」