袁詠儀昨日出席活動時，被問到對於外界不時大讚老公張智霖「童顏」有何感想，她霸氣表示從未感到壓力，又笑言兩公婆一個怕黑、一個怕鬼，要互相保護！

靚靚見到「迷你Cool魔」Marcus即攬到實，睇嚟好冧喎！

Anina下月將舉行派對慶祝錫婚。

凌緣庭（左）及陳倩揚亦有份祝酒。

文：名人組

藝人袁詠儀（靚靚）、名媛何倍倩（Anina）、陳倩揚及前華姐凌緣庭，昨日出席《CATALO全新概念店開幕典禮》，身為品牌首位代言人的靚靚，不時大讚一同參演最新電視廣告的小童星Marcus，充滿母愛！對於外界大讚老公張智霖（Chilam）「童顏」，靚靚霸氣表示從未感到壓力：「我都有我嘅市場！佢成日都問我去邊，仲緊張過我！我同朋友講笑，當畀人問點解成日一齊，我就話因為一個怕黑、一個怕鬼，要互相保護！」

訓練「魔童」獨立

談到9月4日是其44歲生日，靚靚笑說：「踏入40歲之後，愈嚟愈唔使慶祝，最緊要健康同埋同最好朋友食餐飯，仲有小朋友陪住！」靚靚指兒子「魔童」張慕童即將開學，笑言終有少許私人時間：「暑假一家三口去咗美國度假兩星期，我就做足工人兩星期。」她表示旅行目的是訓練魔童獨立：「至少佢會摺番自己啲衫落篋，好企理，仲有執篋同推篋！但因為公公同婆婆湊，所以覺得孫係要嚟縱！」另外，她表示與凌緣庭相識多年，但一直未有機會見面，大讚對方無論在家庭及事業上也兼顧得非常好。

何倍倩慶祝錫婚

而Anina與老公恒生後人何乃斌為慶祝錫婚，下月將舉行派對，早前更拍攝新「婚照」，她笑說：「結婚之後好少無端端對住老公咁深情，再影覺得好浪漫！」