名模馬詩慧女兒王麗嘉（Irisa）同樣以做VS模為目標，下月正式到紐約闖模界的她透露，不排除參與11月的VS模特兒全球面試：「要真正去到紐約睇吓情況點先，如果得嘅話，都想試吓。（面試前做咩準備工夫？）我唔打算減肥，不過會做多啲運動，想身體線條好啲。」提到趙茜亦將參與面試，即代表二人會成為競爭對手，Irisa表示不會視對方為假想敵：「每個人嘅風格唔同，要睇個設計師想搵咩風格嘅人，唔到我哋決定，所以唔會畀壓力自己。」她坦言最欣賞的中國模特兒是曾為VS行騷的劉雯，並大讚：「佢個樣好中國風，而且行騷同影相都好有氣勢，好鍾意佢。」

姓名：王麗嘉（20歲）
上圍：34D
身高：1米80
簡介：擁星級背景的王麗嘉，父親是影星王敏德，母親為名模馬詩慧，加上身高及身材極有睇頭，是模界優質潛力股，為了成為「高瘦平」超模，曾揚言考慮做縮胸手術。