曼谷市中心前晚發生爆炸，鄧麗欣（Stephy）排球隊LOEY的隊友心喬原來身在當地，據知Stephy正忙於拍戲，但亦特別在心喬的Instagram留言，叫她快快回來。Stephy說：「有同心喬聯絡，佢報咗平安，爆炸一刻佢都話聽到爆炸聲。」

Stephy的隊友心喬身在曼谷，幸平安無事。

導演林超賢前日剛飛抵當地，為新片《湄公河行動》做準備：「一嚟到就聽到消息，當時我仲見緊演員，我哋會有拍戲用嘅槍用炸藥，驚有影響。依家主角幾時到，我都話唔實。（返港先？）成個基地喺呢度，冇可能！」據悉男主角之一的張涵予原定日前飛抵當地進行射槍訓練，幸計劃有變避過一劫。

本是泰國華僑的彭氏兄弟近日在港，彭順已致電當地親友及拍檔，得知眾人安全即如釋重負：「佢哋同我講，估計今次應同政治有關。」而天馬電影投資新片《賞金獵人》起用韓星李敏鎬，預計11月赴泰取景，發言人表示要稍後才決定行程是否有變。

居日多年的香港藝人陳美齡在爆炸案前兩日與細仔協平到當地旅行5日，她留言表示震驚。而日本女團AKB48原定本月28日至30日的曼谷活動亦延期。韓國方面，男團GOT7泰籍成員Bam Bam上載黑白照片祈禱，而同志男星洪錫天事發時在曼谷旅遊，他表示聽到很大的爆炸聲，一小時前曾到過爆炸地點附近。

「最美變性人」Poyd當時則在香港飛曼谷的航班上，着陸後即致電香港經理人報平安，其經理人說：「佢住曼谷，但嗰區都幾安全。」