許廷鏗和胡鴻鈞出席慈善活動記者會，對於早前有傳節目為保星夢歌手而踢走環球歌手，當晚有份演出的星夢歌手許廷鏗說：「我又唔特別覺得。」

許廷鏗今次撇低前輩獨自獻唱，自言有少少慚愧。

對於「偏心星夢」的傳聞，胡鴻鈞稱只負責唱歌。

陳百祥透露會有神秘嘉賓到場。

鄭裕玲（右）與杜麗莎攬晒腰，好老友。

許廷鏗、胡鴻鈞、杜麗莎、陳百祥、崔建邦和鄭裕玲，昨日出席《FRANCK MULLER特約：星光熠熠耀保良》記者會。星夢歌手許廷鏗透露當晚會與胡鴻鈞和何雁詩合唱一曲：「不過未知唱乜，大家都係巨聲出身，難度唔大嘅！」

有得玩就開心

但當問到有傳節目踢走了原定有份演出的環球歌手陳慧琳和吳雨霏，而讓星夢歌手演出，許廷鏗說：「以我所知好似話會唱《青春頌》嘅，其實有少少慚愧，兩年前同謝安琪台上都唱過。（呢首歌係後加？）唔係，一路都傾緊。（環節加長咗？）其實我哋未傾，未定。（相信傳聞？）我又唔特別覺得。（來去又係幾位歌手，唔悶？）我哋唔悶，有得玩開心o架！」

胡鴻鈞：我唱歌咋

同是星夢歌手的胡鴻鈞對此說：「我唱歌咋！咁開心第一次踏足紅館做咁有意義嘅活動，只希望當晚演出可以籌多啲善款。」而陳百祥透露當晚會史無前例地邀請兩位重量級嘉賓上台合唱，已獲口頭答應，問到是否請「四個小生」胡楓及謝賢等人？他笑說：「又去唔到嗰個年份，都覺得好好玩，玩到咁盡。下一次玩都係福、祿、壽（指譚詠麟及曾志偉），當佢哋唔喺度嘅時候，講緊係最少十年後。」

文：影視組