岑麗香（香香）、洪永城、吳若希與劉佩玥（Moon）等演員昨日為無綫新劇《實習天使》到赤柱取景，提到與阿Moon有「爭仔」戲份，現實中有否類似經驗？香香笑說：「以我所知又冇爭過人，人哋爭我就更加唔知！」在旁的洪永城即搭訕：「邊夠香香爭呀！佢有天使嘅面孔、魔鬼嘅……」

岑麗香拍劇捱逾30小時，但依然面不改容仲識笑。

洪永城與劉佩玥到赤柱為新劇開工。

吳若希穿起護士服，大玩制服誘惑。

雖然兩人早前拍劇傳不和，洪永城卻「一輪嘴」激讚香香捱得：「呢個天使好犀利，捱咗30幾個鐘冇瞓過覺，到依家同我哋做訪問，仲係好好笑容對住我哋。我哋尋晚拍到今朝六點，佢又喊又崩潰又淋水，香香公主好勁！」香香聞言即謙虛說：「我唔係！（怕冧廠？）新人應該要捱嘅，之前拍外景試過中暑，公司同事都好好，即刻放我半日睇醫生。」

談到拍攝一班學護參加急救比賽的場面，香香表示沒有人工呼吸的情節，但拍劇過程中學了不少急救技巧，洪永城則抵死笑說：「基本嘅醫療嘢冇學到，我唯一學到訓話、鬧人同發脾氣，冇乜接觸到醫療嘢。」