薛家燕日前主持電台節目時表示願意做「和事老」，出錢為「怒摑事件」鬧不和的謝賢與曾江擺和頭酒。記者聯絡事件主角謝賢，問到會否出席？當他聽到「和頭酒」三字即嬲爆說：「Short嘅！咪再問喇吓！」更怒Cut電話洩憤。

相反，胡楓與Joe Junior樂意出席，胡楓笑說：「咁又唔拘，我都想有餐飯食！邊個擺都唔緊要。」對於謝賢表示搞飯局但未成事，他笑說：「咪以為嗰晚冇咗我就冇飯局，我都有搞飯局，屋企都有飯開嘅。」而Joe則說：「有飯局當然會去啦！邊個搞都冇所謂，監製、公司都安排緊。」