「十優狀元」(1)麥明詩讀書及參選港姐都態度認真，連自拍野餐片參與《東網巨星》在Facebook舉辦、現時已進入第三階段的《港姐任你Like》之「最佳自編自導自演」亦非常認真，表現獲網民激讚，暫時繼續領先！

麥明詩（左起）、林凱恩及陳靜儀各自出招，吸引網友畀Like！

郭嘉文贏得「最佳演繹佳麗」獎項。

一眾候選佳麗昨日試戴首飾。

緊貼熱爆娛樂新聞的《東網巨星》在Facebook舉行《港姐任你Like》，收集民意選出「民選港姐」，投票已進入第三階段的「最佳自編自導自演」，由佳麗自拍短片吸引網民畀Like！

林凱恩靠狗仔拉票

短片由前日中午投票至今，(1)麥明詩以310個Like領先，網民大讚她的野餐自拍短片製作認真，貫徹「十優狀元」作風，她昨日受訪時說：「喺英國都經常同朋友野餐，條片拍咗兩、三個鐘，當時真係幾熱，所以講吓冷笑話降溫。（製作認真？）參選後好耐冇見班朋友，順便聚一聚。拍攝過程好開心，今次好用心拍，希望大家感受到我嘅熱誠，記得畀Like！」

(10)陳靜儀則帶讀者「漫遊銅鑼灣」，她說：「片入面都係我平時最鍾意做嘅嘢，好似打書釘同食雪糕，拍咗兩個鐘。我去旅行會拍片，扮旅遊節目，所以今次都得心應手！」至於(5)林凱恩（Iris）自拍下廚短片，又出動愛犬拉票，她笑說：「我好鍾意煮嘢食，對廚藝有信心，短片中仲有我隻狗仔MoMo，佢性格好似我，我哋感情好深厚！」

郭嘉文試首飾贏獎

此外，12位候選佳麗昨日到將軍澳六福珠寶試戴首飾，並互選「最佳演繹佳麗」獎項，最終由(9)郭嘉文（Karmen）勝出，她說：「好開心，我心情輕鬆，可能係咁表現到自然一面，希望決賽都可以抱平常心。」而落敗的麥明詩說：「唔會失望，最緊要決賽有好表現。」而(4)龐卓欣透露媽媽收藏了不少首飾，會叮囑媽媽把寶貝留給她，她又讚男友節儉，沒有送贈名貴首飾。

文：影視組