鄭俊弘（Fred）與姜麗文（Lesley）這對緋聞男女早已盛傳分手，但當事人一直不願正面回應。早前，Fred自爆與姜麗文已有年多沒聯絡，Lesley前晚出席活動時承認「分」訊：「我哋分開咗好耐。」講到傷心處，她更一度爆喊，要終止訪問！

眼泛淚光
鄭俊弘與姜麗文異口同聲承認分手，Lesley受訪時失控爆喊，其後索性掉頭走。

姜麗文轉頭疾走

鄭俊弘

姜麗文與哥哥姜文杰、林文龍及艾威等，前晚出席劇集《三面形醫》的大結局首映，提到劇中與叔父姜大偉合作，Lesley笑說：「第一次同四叔合作，要叫佢阿爸！叫左四叔好多年，要叫阿爸好唔慣，有時會叫錯。」提到緋聞男友Fred早前自爆與她已有年多沒聯絡，她坦言：「有睇新聞，我哋分開咗好耐。」記者即追問分手原因，惟她堅持不透露：「原因唔講，過咗咁耐，大家Move On。咪再估我哋係一齊定分手，大家都經歷過，知道唔容易。」

「畀D空間」

未知是否觸及痛處，她語畢開始飲泣，雙眼通紅的她更一度轉身拭淚，稍為冷靜後才回過頭來說：「畀D空間我哋。」然後忍不住淚水，直接離開鏡頭停止受訪，留下哥哥姜文杰打圓場。問到是否知道兩人的分手內情？姜文杰說：「我都冇見Fred，不過遲吓陸駿光婚禮上會見。」問到有否安慰妹妹？他說：「唔使安慰，咁大個，感情事我冇參與。」

「和平分開」

另一邊廂，下月舉行演唱會的鄭俊弘昨日現身電台宣傳，他透露最近忙於練歌及排舞：「上次個騷太靜，其實我都鍾意跳舞，不過自己嘅快歌唔多，要唱吓其他歌手嘅快歌。」他又指是次演出未有安排嘉賓：「啲朋友會嚟睇，想感覺一氣呵成啲，準備咗30首歌。」

提到Lesley哭着透露早已分手，他亦大方承認：「我哋係分開咗一段日子，呢段期間大家都冇咩聯絡。」問到分手原因？Fred同樣不肯透露，只說：「原因唔講，總之我哋係和平分開。」問到是否再見亦是朋友？他未有正面回應，只說：「現階段大家都係為事業拚搏，專心做好工作先。」

文：音樂組