新光戲院CEO元海昨日偕粵劇文武生李秋元和新秀吳非凡到電台接受薛家燕訪問，談到新光戲院將於明年二月底租約期滿，他透露租約談判工作由主席李居明負責：「佢都希望傾到續租，因為大家擺o左好多心血落去。（覺得續約機會大唔大？）都係錢o者，但以我所知續約好似會加到每月138萬，呢條數根本計唔掂。」他表示過往多次也是到最後關頭才有定案：「依家仲有七個月時間，希望大家傾到一個合理o既共識。」

李秋元（左起）、薛家燕、吳非凡及元海合照留影。