陳慧琳相隔七年再度攻入紅館開騷，一向眼淺的她，在記者會上兩度爆喊感謝伯樂奚仲文及鍾珍。雖然勁歌熱舞絕對難不倒這位樂壇天后，不過她卻擔心在舞台上「淚」街坊！ 文：音樂組　攝：吳文聰

身穿鮮紅色長裙的Kelly明艷照人，果然係靚媽！

看到螢幕上出現奚仲文的照片，Kelly即變成喊包。

Kelly即場切蛋糕慶祝「二十歲生日」。

近年專心相夫教子的陳慧琳（Kelly）闊別舞台七年，終在今年12月18至23日回歸紅館，舉行《陳慧琳let's celebrate！世界巡迴演唱會》慶祝入行二十周年。昨日Kelly以一身鮮紅色露背裝出席個唱記者會，司儀提到恩師奚仲文（著名造型師）時，淚腺發達的Kelly即變大喊包：「又喊喇，死啦！冇仲文，我入唔到呢行，絕對冇今日嘅我。」問到可曾有人想從經理人鍾珍手上挖角時，她再度哭成淚人：「冇，冇人咁大膽，鍾珍好，係人都知。」

眼中只看到老公

記者會可算是笑中有淚，當大會播出Kelly與老公劉建浩的婚照時，她竟取笑老公進「脹」不少：「嗰時佢好瘦，依家肥咗好多。（當時多唔多人追？）Feel到，但我睇唔到佢哋，始終佢係最好。」受訪時，Kelly坦言最擔心開騷時「淚鬥淚」:「我到時諗住講啲感性嘅嘢，但我都擔心，唔想一路喊一路講，唱歌跳舞難唔倒我，反而要忍喊先難倒我。」

向陳曉東送祝福

Kelly又打趣表示七年間身形起了微妙變化，屆時需以布遮肉：「熱褲都仲着到嘅，會係接受到嘅性感。」她又笑言要訓練兩個寶貝仔捱眼瞓，好讓他們可以到紅館欣賞媽咪演出：「乖就畀佢上台，大仔上嘅話，細仔就會肯上。」她亦恭喜同期出道的陳曉東再度榮升爸爸，問到可會對親家？Kelly說：「可以約出嚟玩吓，溝通吓嘅。」