王菀之感激湯駿業催淚

王菀之（Ivana）昨日偕湯駿業、監製葉念琛錄影無綫節目《Big Boys Club》，談到與湯駿業於電影《沒女神探》中飾演情侶，遭男方拋棄的Ivana慘變「沒女」，Ivana大讚對方演技佳令她爆喊：「拍喜劇難喊得出，所以好靠對手，湯駿業真係好犀利，可以喺我極度眼瞓嘅凌晨四點幾，喊咗十次後已經冇晒眼淚，但都可以因為佢嘅戲太好，令我即時流好多眼淚！」問到有否親熱鏡頭？湯駿業笑說：「我哋鏡頭後好親密。」但Ivana跟周柏豪有感情線並有咀嘴戲。