劉浩龍昨日與劉心悠錄影無綫節目《Big Boys Club》，談到於新片《燈塔下的戀人》中跳印度舞，自稱跳舞似耍功夫的浩龍，指拍攝時認真跳卻遭心悠取笑，心悠說：「佢好得意，好有喜劇天分，因為佢好認真。」浩龍又稱跟心悠未有拖手，最親熱只是為對方抹嘴：「我哋係好神交、好Pure嘅愛情，我哋以咖喱會友。」

劉浩龍表示為新片跳印度舞，卻遭心悠取笑！

首拍愛情片的浩龍大讚遇上好對手：「心悠着印度裝好靚，因為佢眼大鼻高，都幾似印度人。（怕女友容祖兒呷醋？）靚就梗係要讚啦！唔會。（跳畀祖兒睇？）冇，想睇咁精彩嘅嘢，梗係入場睇啦！（女友應承去睇？）佢乜都支持，有機會都會一齊睇。」有傳容媽媽對他不滿，問到會否請對方睇戲？他笑說：「邊個去都冇所謂，你阿媽、我阿媽、大家嘅阿媽都一齊去啦！」