蝦頭（楊詩敏）減肥成功後，昨日出席新書分享會，現場不少圍觀者都大讚她纖瘦不少，首次做作家寫書的她透露，會將其戀愛經歷與大家分享：「我呢個肥妹仔有好多精彩古仔，好多人都估唔到！」問到是否教人獵仔心得，她笑說：「唔好話教，係分享吓啲『蝦魔功』啫！」蝦頭稱有一招叫「家長擒拿手」，只要氹得心儀男士的家人歡心，對方的家人都會幫她製造埋身機會。問到是否深得男友邵子風的家人歡心，她說：「個個男仔啲屋企人都好鍾意我，話我肥肥哋好生養！」花了三、四個月便減了三十多磅的她，計劃將之寫成書，又指男友亦減掉十磅：「佢唔抵得我變索，佢都話要變型仔！」

蝦頭的戀愛經驗豐富，真係估佢唔到！