羅霖（Candy）昨午以黑色喱士裙現身活動，明顯衣不稱身的她自爆因早前宣傳寫真太頻繁而消瘦不少：「我又病咗三個星期，加上傭人放假，洗碗洗到手筋膜發炎，又要洗衫。」但她笑言收身後也有好處：「因為公司幫我接咗套電影，9月底拍，有時啲嘢真係唔好亂講，嗰陣時好多人都問我想拍咩戲、做咩角色，我話想做打女、拍喜劇，依家開口中！電影角色係做殺手，套戲會喺泰國拍外景。」她又透露下星期起會做體能訓練，對她來說甚具考驗：「哈哈！一把年紀仲要體能訓練！」問到在戲中是否要性感上陣，她說：「有性感嘅，因為殺手嘅衫通常比較貼身。（少布？）少布就唔知，不過要着高踭鞋跑，高難度！」

身穿黑色喱士裙的羅霖大騷美好身段。