高海寧（高Ling）昨日偕馬國明及洪天明等錄影無綫節目《活得健康嗎？》，懷疑有少年癡呆症的她自嘲記性愈來愈差，又指除了拍劇時日夜顛倒外，平日十分健康及瞓得，最高紀錄瞓足22小時：「我幾適合做呢行，因為隨時隨地都瞓得，有年拍劇又開賀歲片，又接活動賺錢，捱完三日三夜之後就大昏迷！」

高Ling自嘲有少年癡呆症，咁拍戲仲記唔記到劇本呢？

馬國明（左）與洪天明將在節目中分享健康心得。

而平時多做運動的馬國明說：「試過膝頭、膊頭甩骹，依家膊頭扭到去某個角度就冇力。（影響拍動作戲？）自己會就，用右手或者用身體就番，好在冇太大問題！」他又透露剛享受完兩個月的假期，問到有否趁機約女仔，他笑說：「暫時未，嚟緊睇吓有冇機會約吓女同事或女性朋友去街啦！」