金剛、陳奐仁及吳志雄等在新片中與周潤發合作，齊穿囚衣重現《監獄風雲》一幕。首次與周潤發合作的金剛大讚他親切：「同發哥合作，心情開心得唔知點形容，全世界人嘅偶像！」在旁的周潤發見狀即打趣說：「對佢兩個對得多，自己講嘢都講唔正！」他更扮金剛的鄉音講「謀得輸」及「豉油GEE」等金句，十分搞笑！而曾與周潤發合演《監獄風雲》的吳志雄說：「好開心撞到好多老朋友，同發哥再合作，大家年紀差唔多，佢好健康，日日教我哋跑步、Keep身體嘅方法。」他更孖住周潤發大跳社交舞。
