早前《東網》報道親民巨星周潤發及發嫂在片場創建「發記士多」，為現場工作人員提供免費飲食，包括港式小食魚蛋、炒粉麵飯及奶茶咖啡等，更有特色涼茶供應！食物質素專業，令演員張家輝、李宇春及江美儀等大讚冇得頂！不少讀者被周潤發及發嫂感動，紛紛經《東網》瘋傳報道及在《東網巨星》Facebook畀Like，及至昨日已有約2.3萬個分享及Like！有網友大讚周潤發是「人上人」及「真正偶像」等，更有網友細數周潤發的體貼事：「當年我阿爸喺新藝城做，當時冬天喺新界拍外景，話發哥見全部人凍到震，啲飯盒都凍埋，叫咗發嫂及助手買10個羊腩煲，幾斤肉同菜及Gas爐，叫全部人食飽先再拍（但發哥自己食菜Only），之後幾日外景冇發哥份，佢都叫助手揸車送熱湯、糖水嚟。」

《東網巨星》Facebook上累積約2.3萬個Like，影帝魅力沒法擋！

發哥對獲逾二萬人Like爆，他昨日接受電話訪問時說：「二萬人咁誇？其實『萬歲』呢啲成日做，大家一家人，都想食得豐富啲，搵食、搵食就係咁解。（開落去？）有位就做，要睇當時場地點，唔准都冇辦法，但係見人食得咁開心我都開心！（咁咪使好多錢？）食得幾多？我呢啲都好，有啲開早班嘅人冇啖好食呀！有啲新鮮嘢食吓先係最好！」