人生的奇妙就是不知道下一秒會發生的事，珠寶小姐莊端兒（Xenia）現在事業愛情兩得意，但當中經歷風風雨雨，前路茫茫時找到張致恒（Steven）及諸葛紫岐這兩個「好歸宿」，為她擋風雨。

Xenia由珠寶小姐變成藝人，期間經歷風風雨雨，幸而找到好歸宿。

Steven攬着Xenia，恩恩愛愛去旅行。

Xenia談到感情事即滔滔不絕，不介意一同分享幸福。

Xenia（左起）與老闆諸葛紫岐、呂晶晶齊齊出席化妝品活動。

文：李詠林 攝：劉智源

莊端兒（Xenia）由珠寶小姐變成藝人，去年加入莊思敏旗下的經理人公司，但一年後便倒閉，輾轉到諸葛紫岐的星韜娛樂公司，經歷大起大跌，不但沒有令Xenia放棄做藝人，更認定了這一行，希望闖一番事業，Xenia說：「我冇諗過放棄，反而覺得好好彩，有咁多人幫我。」

相戀，一切由跑步開始

熱愛電影的Xenia始終是一位新人，她希望樣樣都嘗試：「舞蹈、打女都想試，因為自己節奏感差，所以就要去學跳舞。」她亦自爆男友張致恒曾教她跳舞，但笑言因領悟力低而學不會。工作上找了一個好歸宿，戀情上亦遇到真命天子，為她遮風擋雨。

Xenia與Steven拍拖大半年，一切是由跑步開始，本身做珠寶公關的Xenia，透過朋友認識Steven，因為一次工作機會而與他單獨工作，她說：「因為珠寶公司想開拓男性市場，會贊助男藝人，我第一個就諗起佢，佢係一個美男子。」說罷連Xenia也忍不住笑。她又謂有時頒獎禮要跟住Steven出出入入：「因為我要睇住啲珠寶，跟出跟入收好。」就是這樣，二人就開始熟落，而話題亦深入生活，最後發現大家熱愛跑步，就相約去跑步，久而久之成為「腳友」。

吸引，心地好愛助人

Xenia說：「嗰陣都仲未開始，佢又咁啱要去上海工作，而我就入咗莊思敏間公司，拖拖拉拉都一年，中間有時間就一齊去跑步，直到有次講起感情事，大家開始深入了解，而我又覺得佢好細心，可以考慮。」最後二人拍拖不久，便被記者撞破。

Steven以往有不少緋聞，她表示當時沒有留意，亦不知他的過去，Xenia直言Steven吸引之處在於他的人品，她說： 「好多人都話佢靚仔花心，亦有人問過我，但我鍾意佢幫人，有次見到佢幫婆婆推車，跌嘢會幫佢執，佢心地幾好，而且佢會幫埋朋友，之前贊助珠寶，佢都會話叫贊助埋身邊嘅朋友，所以我覺得佢唔錯。」聽落似足拍戲追女仔橋段，但不講不知Steven也是浪漫派的男生。

浪漫，互相製造驚喜

要數到二人的浪漫史，Xenia透露Steven懂得製造驚喜：「佢姐姐住喺我樓下，我好大頭蝦，所以我會放門匙喺佢度，聖誕節我去咗旅行，Steven就上嚟布置咗間屋，有埋聖誕樹，我返到屋企見到好驚喜，而且平時佢見到我鍾意嘅嘢都會主動買畀我，我有時見到佢有乜嘢爛咗，就會買畀佢，好似皮帶爛就會買。」她更透露二人閒時熱愛下廚，大讚Steven廚藝了得，大家拍拖後都增磅不少。

服裝及場地：Blossom