李曼筠遊台 比堅尼大放送！

李曼筠（Maggie）早前與孖妹組合A2A成員吳燕珊（Annelle）和吳燕菁（Annice）到台灣拍攝有線節目《3S放大假》，三人上山下海，先在花蓮穿上民族服參加太魯閣族晚會，又隨當地賞鯨團出海親近海豚，更以比堅尼解放美好身材！Maggie向兩位旅伴自爆擇偶條件：「我鍾意有神秘感嘅男仔，最好唔成日見、成日聯絡，咁先有掛住對方嘅感覺。」被A2A姊妹揶揄她喜歡跟陌生人拍拖。