謝霆鋒與前妻張栢芝的囝囝Quintus日前發燒入院，其後未有最新消息，令外界不禁擔心Quintus的病情，昨日劉美娟與老公張崇德終為Quintus「報平安」，兩人透露到醫院探病時知道Quintus已經退燒。文：音樂組

劉美娟、張崇德的子女與Quintus是好朋友。

謝霆鋒與張栢芝年僅五歲的細仔Quintus周二（11日）發燒入院，連日來一直未有進一步消息，而霆鋒和媽媽狄波拉日前曾到醫院探病。昨日栢芝的好友兼教友劉美娟與老公張崇德到醫院探望Quintus，並將合照上載微博，見抱恙的Quintus仍要吊藥。劉美娟又留言：「連日來可愛的Quintus還在醫院，我家的小朋友好掛住他，為他禱告希望他快點出院，還親自畫了慰問卡要我和爸爸送上。」

退燒精神佳

記者致電劉美娟問到探病情況，她即為Quintus「報平安」，又透露Quintus精神很好，但未知何時出院，而栢芝一直陪伴左右：「醫生要佢繼續住院梗有理由。（咩病？）係少少發燒，都退咗燒，栢芝都有陪住佢，但其實栢芝都好忙，嚟緊大仔就開學。」問到可見到霆鋒和爺爺謝賢探病？她表示昨日是首次探病，未見霆鋒與謝賢，但離開時卻見到栢芝的媽媽，聽聞Lucas亦有到醫院探細佬。她又指因子女與栢芝的兩個囝囝年紀相若，所以感情非常好，知道Quintus生病即為他祈禱，又畫了心意卡要父母做「速遞員」。

手上有吊針

至於張崇德則表示探病時見到Quintus手上有吊針：「係咩液體我唔知，小朋友入院大人梗係擔心，留院都係好事，有醫生睇住佢。」他表示在病房內逗留了半小時，但整體上見到Quintus精神不錯：「小朋友喺醫院都係咁上下樣，我估係細菌感染，佢有媽咪陪住應該OK嘅。」而張栢芝於截稿前未有回覆Quintus的情況。