無綫花旦徐子珊與導演吳家麗前晚到旺角為新片《有客到》謝票,被問到與無綫續約的最新進展,子珊說:「冇時間諗!呢輪忙緊讀珠寶設計,短期內唔會決定住,都唔急!合約今年先完,公司一路有幫我接工作,接到明年2月。(無綫仲幫你接出年工作?)冇所謂!公司錫我,我哋關係良好。(杜琪峯同曾志偉都想簽你?)我唔知嘅?唔同單位都傾過吓。(邵氏都想簽你?)係其中一個選擇,未諗清楚,唔決定住。(今後只拍戲唔拍劇?)唔使咁快封自己後路,慢慢畀啲時間啦!」至於吳家麗則透露有新大計:「詳情唔透露住,但唔再拍鬼片,想轉變吓,出嚟會有震撼性,令人耳目一新。」

徐子珊

90年代女神吳家麗以低V打扮勁風騷,連徐子珊亦被比下去。

吳家麗帶領《有客到》演員到戲院謝票。