鄭中基（Ronald）原定亮相宣傳新片，最終缺席，但仍有播出早前拍下的短片為電影打氣，而經理人田啟文代為解釋：「佢之前趕戲，尋晚谷德昭套《天生不對》至殺青，呢輪工作趕到密質質，加上曬吓又凍吓，扁桃腺發炎，病鬼咗，已經好番，但因為今晚要開工，佢要休養吓。（但佢日前幫梁漢文演唱會做嘉賓好生鬼喎？）佢嗰日都病（口架），去到綵排把聲都唔係好得，但應承咗就唔想甩底，佢都擔心做唔到（口架）！」

田啟文（左起）、雨僑及胡耀輝齊齊宣傳新片，缺席的鄭中基則透過短片打氣。

鄭中基

據悉，Ronald近日除趕拍《天》片及《大樂師.為愛配樂》外，又要為其執導的《神秘寶藏》趕後期以便送審，其後尚有一大堆電影及明年香港、台灣等地巡迴演唱會工作等着他，有排忙！