談到夏日護膚心得，歌手林千豔就話天時暑熱最忌皮膚出汗出油，所以控油秘方第一件事就是在日常護膚中做好保濕，皮膚的清潔亦非常重要，雖然市面有不少磨沙產品，不過千豔一般會選用成分天然的黑糖代替：「磨沙可以減少黑頭粉刺阻塞毛孔，我平時會用黑糖做磨沙，佢軟身啲，遇水都會慢慢溶解，對皮膚嘅傷害低啲。」問到黑糖的效果會否比一般的磨沙產品差？她即大讚用完甚至即時覺得皮膚變得超細嫩。

林千豔調製天然面膜，材料又平又正。

林千豔皮膚白滑，原來有獨家護膚秘方。

綠泥加上薰衣草花水等就可製作面膜。

崇尚自然的千豔原來連清潔面膜都會親自調製，更會慳家使用平靚正的材料：「我會做綠泥清潔面膜，百五蚊一大袋，三湯匙綠泥，加埋薰衣草花水，茶樹油同埋亞麻籽油，溝埋一齊敷面，夏天嘅話我會每星期用兩次，冬天就可以偷吓懶，一星期一次。」