張紋嘉（Crystal）數年前愛上《小飛俠》（Peter Pan）的奇妙仙子（Tinker Bell）一角後，就開始瘋狂的儲物之旅：「Tinker Bell係一個送希望畀人嘅仙子，同一般卡通人物設定有啲唔同，佢有法術之餘個樣感覺仲妖妖哋，我哋朋友間成日笑佢個樣似狐狸精，眼戚戚咁，所以我特別鍾意。」

Crystal搜羅不少Tinker Bell的電話殼。

Crystal愛收藏Tinker Bell的物品，氣球當然是收藏品之一。

口味獨特的後果換來產品款式相當有限，她說：「幾年前好難搵，成日要託朋友去日本幫我搵，好彩近年已經好好多，起碼香港搵得到，我諗因為多咗人鍾意，連主題公園入面都有人扮呢個角色。」除了落力搜集外，亦有不少朋友出手幫助，Crystal說：「好多人知我鍾意會搵嚟送畀我，我又會儲好多，例如唔同款嘅耳環、擺設、香水，文件夾同公仔咁。」而且每次舞台劇演出，其歌迷都會找Tinker Bell氣球代替鮮花，她說：「每次我都好開心，因為夠晒特別。」