粵劇名伶蓋鳴暉昨晚在新光戲院演出《東華三院慈善粵劇晚會》，事前大會公關叮囑傳媒不要問有關粵劇宗師林家聲的問題，以免影響其徒弟蓋鳴暉的演出情緒。而化了大戲妝、穿上戲服的蓋鳴暉接受訪問時說：「今晚呢個係喜劇，近日的確有啲唔開心嘅事發生，我化妝時都儲緊正能量，做演員要豁出去，希望觀眾睇完捧腹大笑。其實做演員好難，面對好多不同嘅壓力，我當趁機學習，觀眾冇理由要分擔我哋嘅唔開心，但人始終係人，係感性動物，我盡力而為，希望觀眾有個盡興嘅晚上。」

蓋鳴暉（右）昨晚與吳美英在新光戲院演出粵劇，心情未受影響。