李逸朗：大家自我麻醉

李逸朗（Don）前晚偕楊子瑤、艾美琦及彭懷安到尖沙咀出席電影《男極探射燈》煞科飯局，Don日前被指借與前拍檔兼緋聞女友蔣雅文的合照博宣傳，他認為大家在事件上的想法不同而毋須交代，更笑言即使要抽水，都會以正在內地拍電影的影星為目標：「好好笑！可能因為最近冇咩新聞。（點解一直唔否認情侶關係？）我一直都冇承認過，我哋一路都係拍檔，仲要係公司安排，係唔知點解大家一直自我麻醉。」此外，提到黃榕哭訴被誤會「執三攤」做女主角一事，楊子瑤透露對方曾致電她解釋：「我同佢講話冇嘢，好小事。（黃榕博宣傳？）佢應該係冇心嘅。」而彭懷安則透露右手手腕的傷勢已康復九成，但仍覺得疼痛，需再休息數星期方能再做運動。