伍允龍昨日兩次以「朋友」稱呼女友鍾嘉欣，更直認已無聯絡，「嘉龍戀」似乎正式告終，結束八年感情！而嘉欣的另一緋聞男友陳展鵬則否認戀情，反而擔心打戲受傷！文：影視組

伍允龍（右）與「情敵」陳展鵬高手過招，唔知邊個最打得呢？

胡定欣即場舞刀弄劍，甚有台型！

首次為無綫拍劇的伍允龍昨日到將軍澳電視城，與陳展鵬及胡定欣等參與無綫新劇《城寨英雄》的武術訓練，過往一向稱呼鍾嘉欣為「好朋友」的他，兩度將嘉欣降呢為「朋友」：「大家都有一段時間冇聯絡。（怕唔怕喺電視城同嘉欣碰面？）唔會，撞到『朋友』係唔會驚。（怕同嘉欣合作拍劇？）監製叫我同邊個合作，我都會努力做，好似今次我同劉佩玥合作都好開心。（你同嘉欣嘅關係完結？）我哋係『朋友』。」相信「嘉龍」的八年情無緣開花結果。

「情敵」展鵬怕受傷

雖然與嘉欣分手，但伍允龍仍大方與「前女友」的緋聞男友陳展鵬合作拍劇，更大讚對方客氣，彼此合作愉快。

而同場的陳展鵬亦笑言與嘉欣的緋聞並非事實，與「情敵」伍允龍同場未感尷尬，反而擔心因動作場面受傷：「始終我唔係自小習武，真係千祈唔好受傷！」提到早前被影到載女友人，問該名女友人的身份，他說：「你問番佢，同埋點解要講？都唔關個女仔事，我先係做幕前嗰個。」他又希望傳媒將焦點放在他的工作上。

胡定欣吊起嚟打

至於胡定欣則坦言在劇中需長期吊威吔打功夫，更自嘲常被吊似儲「飛行里數」，從未見過無綫劇打得如此頻密：「相信會係入行以嚟最辛苦。（男友擔心？）佢基本上係唔清楚我要拍乜嘢！」